مذكرات

المهــــام الادائية … طبقاً للقرار الوزاري رقم 167 لسنة 2022 ، المهام الادائية من 35 درجة مقسمين (…

المهــــام الادائية …
طبقاً للقرار الوزاري رقم 167 لسنة 2022 ، المهام الادائية من 35 درجة مقسمين ( 5 درجات للتخطيط الجيد ، 5 درجات لــجدية العمل ، 25 درجة للمنتج النهائي ) ، وطبقاً لذات القرار المفترض ان معلم المادة بيوزع مجموع من المهام علي الطلاب ، ومن حق الطالب اختيار المهمة المناسبة لميوله ….
من خلال تجربة العام الماضي مفيش اي حاجة اتنفذت علي أمر الواقع من التعليمات الوزارية الخاصة بتلك المهام و ” لكـــن ” الموضوع اتبلع وعدي زي الفل بسبب :
1 – الوزارة اعلنت ميعاد لأداء مهام موحد علي جميع محافظات الجمهورية .
2 – تم نشر المهام في جميع المواد قبل موعد اجراء الاختبار ” الله اعلم بقصد او بدون ” .
وبالتالي اصبح ولي الامر علي دراية بموعد اداء تلك المهام وكذلك طبيعة المهام وكان في فرصة للولاد انهم يتدربوا عليها والأمور مشيت واتبلعت وزي الفل كله تمام .
خلال هذا العام الأمر في متغيرات مفيش مركزية في أي قرار ، كل محافظة بموعد وبنظام ده أولاً ، ثانياً مفيش مركزية في الاختبارات وانا هنا كلامي علي اختبارات الشهر كل ادارة تعليمية كان بتحط الاختبارات بشكل مختلف وبنظام مختلف مفيش قاعدة ، السؤال هنا هل ده هيستمر مع المهام الادائية كل محافظة بموعد اختبار وكل ادارة تعليمية هتحط مهام بشكل مختلف وكما يترائي لها ؟
مشكلتي مع النظام ده انه بيضرب مبدأ تكافؤ الفرص في مقتل ناس بتمتحن قبل ناس وبالتالي اللي بيمتحن متأخر بيبقي عنده فرص انه يتدرب وقت اطول وياخد فكره عن طبيعه الاختبارات ، ومن ناحية تانية محافظة واحدة تلاقي الاختبارات في ادارة متوسطه ومقبولة وفي ادارة اخري اسئلة عجيبة في مستوي الطالب الخارق … طيب وبعدين !!
بصراحة .. تعبت وزهقت … حرفيًا كل الظروف ضد ولي الأمر … نكمل المقرر مع اولادنا ولا نستعد للمهام واصلاً مفيش وقت … الاولاد ماخدوش نفسهم من اختبارات نوفمبر … معنديش مشكلة انهم يمتحنوا المهام بس لازم يكون في تدريب مسبق بأي شكل من الاشكال في المدرسة عليها قبل الاختبار نفسه .
لاحظ :بسبب ان في احتمال كبير تكون المهام الادائية غير مركزية بالتالي هتلاقي للمهام 500 نموذج علي الانترنت من اعداد الزملاء ، لكن رأيي الشخصي ، خليك مع مدرستك أرجع لمدرس المادة في المدرسة هو اللي هيفيدك عن شكل المهام اللي هتيجي لأبنك ….
اخيراً : لكل اللي سألني ممكن لو نزلت مهام ادائية رسمية تنشرها ، طبعاً من غير ما حد يطلب بس لما تكون رسمية ومؤكدة بتنزل مرة واحدة وفي جميع المواد وحتي هذة اللحظة مفيش أي حاجة رسمية نهائــــــــــــــي ، بالنسبة لطلاب الصف الرابع ممكن نتدرب علي مهام العام الماضي ..
سامحوني علي الاطالة بإذن الله ربنا ييسرها علي اولادنا وهتعدي زي ما كل حاجة بتعدي ، واتمني من الوزارة توحيد موعد الاختبارات فيما يخص المهام واصدار مهام مركزية تعمم علي كافة المحافظات منعاً للاجتهاد والتأليف وحفاظاً علي مبدأ تكافؤ الفرص .
بالتوفيق لأولادنا – المتميز – أ / محمود سعيد

319273707 195818442967482 6296014768198035815 n.jpg?stp=dst jpg p180x540& nc cat=105&ccb=1 7& nc sid=730e14& nc eui2=AeHF hPY ox2Tf2vUNiG2MadPcSkNcsQArQ9xKQ1yxACtLi6T9qTwxq0bvNgj 8fnBdaFp SdybXYy4f6 wvXouQ& nc ohc=l0Rn8z05PSkAX9gwMus& nc ht=scontent lax3 2

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock